私 家 居
可 樂 狂 平 反

貯 物 ， 到 達 某 一 個 程 度 是 病 態 ， 患 者 不 能 自 控 地 貯 物 ， 塞 滿 全 屋 ， 收 埋 床 底 ， 貯 的 人 辛 苦 ， 家 人 對 滿 屋 收 藏 ， 亦 同 樣 眼 冤 。
幾 歲 大 就 迷 上 可 樂 的 Sunny ， 貯 了 廿 幾 年 ， 可 樂 珍 藏 已 塞 滿 房 間 ， 床 底 已 幾 近 爆 棚 。 長 大 成 人 ， 結 婚 買 樓 ， 第 一 件 事 就 是 要 將 收 藏 重 見 天 日 ， 不 要 寶 貝 成 為 令 人 眼 冤 「 廢 物 」 。 閉 關 數 月 ， 對 收 藏 和 新 樓 平 面 圖 ， 精 心 計 算 每 一 處 擺 位 ， 才 扑 鎚 訂 做 傢 俬 ， 為 了 統 一 顏 色 ， 減 低 凌 亂 感 覺 ， 傢 俬 亦 以 可 樂 的 紅 白 專 色 配 合 。

絕 配
「 伙 記 ， 唔 該 兩 支 可 樂 。 」
甫 進 Sunny 和 Maggie 位 於 元 朗 七 百 多 呎 新 居 ， 像 走 進 七 十 年 代 餐 廳 ， 飯 廳 的 紅 白 卡 座 ， 是 Sunny 他 們 踏 破 鐵 鞋 才 搵 到 。 「 同 傳 統 傢 俬 鋪 講 我 要 鮮 紅 、 光 面 傢 俬 ， 個 個 都 唔 知 我 講 咩 ， 仲 面 有 難 色 話 鮮 紅 色 好 少 人 做 。 」
終 於 在 土 瓜 灣 一 間 專 做 Retro 傢 俬 的 鋪 頭 ， 搵 到 知 音 人 ， 他 的 大 作 和 數 百 件 「 二 奶 」 才 得 以 重 見 天 日 。

訂 做 傢 俬 前 ， Sunny 已 算 盡 每 件 收 藏 品 的 擺 位 ， 絲 毫 不 差 。 白 色 鞋 櫃 上 的 裝 飾 架 ， 過 百 件 收 藏 排 列 整 齊 。	較 難 打 理 的 細 件 或 至 愛 收 藏 就 收 入 玻 璃 櫃 內 。
訂 製 的 焗 漆 卡 座 ， 表 面 焗 上 一 層 光 油 ， 營 造 Retro 六 七 十 年 代 塑 膠 傢 俬 的 感 覺 。	在 旺 角 PLC 燈 飾 鋪 第 一 次 見 到 這 盞 鮮 紅 色 塑 膠 燈 ， 已 決 定 非 此 燈 不 要 ， 但 大 拿 拿 二 千 蚊 ， 足 足 考 慮 了 兩 個 月 ， 「 探 訪 」 過 三 、 四 次 才 扑 鎚 買 下 。
Mathmos 的 新 設 計 ， 在 lava lamp 外 加 白 色 搪 瓷 罩 ， 和 全 屋 色 調 襯 到 絕 ， 所 以 成 千 蚊 （ 購 自 Homeless ） 都 毫 不 考 慮 就 買 回 來 。	除 了 是 可 樂 迷 ， Sunny 還 是 足 球 迷 ， 最 愛 的 收 藏 之 一 ， 是 98 年 世 界 杯 荷 蘭 對 其 餘 三 國 的 紀 念 樽 （ 右 1,2,3 ） ， 左 邊 是 戴 安 娜 與 皇 儲 結 婚 紀 念 樽 。
外 國 酒 吧 的 可 樂 廣 告 燈 箱 ， 無 意 間 在 灣 仔 太 原 街 玩 具 鋪 尋 獲 ， 裝 修 前 機 關 算 盡 ， 就 獨 忘 了 這 個 寶 貝 ， 現 在 仍 未 找 到 位 置 安 頓 它 。

私 家 錦 囊 　 懷 舊 熱 就 過 氣
懷 舊 室 內 設 計 近 兩 年 在 香 港 吹 得 最 熱 ， 所 謂 懷 舊 ， 是 包 括 一 切 六 十 至 八 十 年 代 的 產 品 ， 最 大 特 色 是 大 膽 採 用 鮮 艷 顏 色 ， 如 鮮 紅 、 紫 色 ， 甚 至 撞 色 ， 傢 俬 電 器 大 量 使 用 蛋 形 、 S 形 等 弧 形 線 條 ， 物 質 以 PVC 和 琉 璃 纖 維 為 主 。 現 時 流 行 懷 舊 傢 俬 ， 大 多 以 焗 漆 取 代 更 為 耐 用 。
不 過 ， Space Design 室 內 設 計 師 表 示 ， 近 年 外 國 已 掀 起 另 一 股 純 白 熱 潮 ， 如 非 Retro 愛 好 者 ， 裝 修 前 不 妨 在 室 內 設 計 加 入 純 白 元 素 。

配 角
顏 色 治 療 學 上 ， 紅 色 會 令 人 情 緒 興 奮 ， 中 醫 更 認 為 會 刺 激 心 火 ， 所 以 用 作 休 息 的 睡 房 和 書 房 ， Sunny 和 Maggie 決 定 採 用 簡 單 、 令 人 心 平 氣 和 深 木 顏 色 ， 緩 和 外 邊 的 火 辣 辣 ， 除 了 Sunny 的 書 房 ， 因 收 藏 太 多 、 因 太 愛 可 樂 ， 仍 然 是 一 片 紅 加 白 。

被 飯 廳 喧 賓 奪 主 ， 客 廳 落 得 佈 置 簡 簡 單 單 ， 梳 化 （ 約 $5,000 ） 和 茶 几 訂 做 時 刻 意 加 入 Retro 味 道 ， 與 飯 廳 配 合 。 地 板 鋪 上 沉 色 的 英 石 （ 每 塊 $56 ） ， 避 免 和 紅 白 光 面 傢 俬 鬥 搶 鏡 。	Sunny 書 房 ， 因 收 藏 實 在 太 多 ， 唯 有 繼 續 用 紅 白 顏 色 來 襯 托 主 角 可 樂 ， 書 房 櫃 內 的 收 藏 不 是 最 名 貴 ， 但 肯 定 是 他 的 至 愛 。
睡 房 牆 壁 本 來 也 加 入 玩 元 素 ， 兩 邊 牆 原 本 是 分 別 漆 上 鮮 蝦 肉 色 和 米 白 色 ， 但 揀 錯 色 辦 ， 出 來 的 對 比 效 果 並 不 明 顯 。	全 屋 唯 一 無 被 可 樂 入 侵 的 房 間 ， 是 Maggie 教 琴 書 房 ， 全 深 木 色 設 計 是 為 了 襯 托 鋼 琴 。
這 幅 可 樂 足 球 棋 地 位 最 超 然 ， Sunny 專 登 請 師 傅 在 書 做 了 一 個 裝 飾 櫃 擺 放 ， 慳 地 方 之 餘 ， 亦 有 相 當 高 的 可 觀 性 。

入 伙 開 銷 ：
髹 漆 ： $17,000
訂 製 全 屋 傢 俬 ： $62,600
地 板 及 泥 水 工 程 ： $15,270
地 磚 ： $11,450
浴 室 工 程 ： $7,200
水 電 工 程 ： $7,500
雜 項 ： $6,800
總 數 ： $127,820
單 位 設 計 ： Space Design 2713 2973
http://www.spacedesignhk.com/